Адҳам Икромов: Ўзбекистон бундан буён пахта савдосига урғу бермайди

04.05.2018 | Иқтисод | 2713

Ўзбекистон савдо-саноат палатаси раиси Адҳам Икромов мамлакат пахта хом ашёси савдосини ўн мартага камайтирганини маълум қилди.

«Агар авваллари пахта хом ашёси савдосидан бир миллиард икки юз миллион доллар даромад кўрган бўлсак, ҳозирги кунга келиб уч ой ичида пахта хом ашёсини 35 миллион долларга сотдик», — дейди у.

Пахта хом ашёсини чет элга сотишнинг ўн мартага камайтирилиши маҳаллий саноатда туб бурилиш ясади, дейилади хабарда.

«Мингдан ортиқ тўқимачилик корхоналари 2017 йилда қиймати 3,7 миллиард АҚШ долларидан кўпроқ маҳсулот ишлаб чиқарди», — дейди Адҳам Икромов.

Қайд этилишича, мазкур корхоналар томонидан 1 миллиард 570 миллион долларлик маҳсулотлар экспортга йўналтирилган.