Вашингтон Россия ҳарбий тузилмаларига қарши санкциялар жорий қилади

10.05.2018 | Жаҳон | 2439

Вашингтон санкция жорий қилаётган Россиядаги айрим ҳарбий тузилмалар оммавий қирғин қуролларини тарқатмаслик борасидаги АҚШ миллий қонунларини бузганликда айбланмоқда. Чеклов чоралари ҳақидаги огоҳлантириш Федерал реестр сайтига жойлаштирилган.

Ҳужжатга кўра, санкция рўйхатига Россиянинг 28 та ширкати ва ташкилоти киритилган. Улар орасида Россия Бош штаби Бош бошқармаси ҳам бор.

Россия тузилмаларидан ташқари санкция рўйхатига Эрон, Шимолий Корея, Хитой, Миср, Туркия, Сурия ва Бирлашган Араб Амирликларининг айрим ташкилотлар ва хусусий шахслари ҳам киритилган.