Ўзбекистон ва АҚШ ўртасида 4 млрд долларлик битимлар имзолаши мумкин

14.05.2018 | Иқтисод | 2396

Ўзбекистон ва АҚШ Шавкат Мирзиёевнинг Вашингтонга ташрифи чоғида 4 миллиард долларга битим имзолаш ниятида. Бу ҳақида Америка-Ўзбекистон савдо палатаси раиси Кэролин Лэмм хабар бермоқда.

У «Ўзбекистон 24» телеканалига маълум қилишича, битимлар савдо, тижорат, инвестиция соҳаларида тузилади.

Лэмм икки мамлакат ўртасидаги иқтисодий ҳамкорликнинг энг истиқболли йўналишлари, хусусан, нефть-газ тармоғи ва рангли металлургия эканлигини айтди.

Шавкат Мирзиёевнинг АҚШга ташрифи 15—17 майга мўлжалланган, томонлар бир қатор ҳужжатларни имзолашни режалаштирмоқда.