Валюта курси: Ўз.Р.Марказий банки
USD
АҚШ доллари
EUR
Eвро
RUB
Россия рубли
Sayt test rejimida ishlayapti!!!

Сўнгги янгиликлар






Россияда ишлашни истаганлар Тошкентда имтиҳон топшириб беш йиллик сертификат олади
25.05.2018 16:34,  
11

Ўзбекистон Миллий университети, Ислом Каримов номидаги Тошкент давлат техника университети ва Ломоносов номидаги Москва давлат университетининг Тошкент шаҳридаги филиали (бош ваколатли олий таълим муассасалари)да Россияда ишлашни режалаштирган Ўзбекистон фуқаролари ушбу давлатда ишлаш ҳуқуқини берувчи патент олиш учун зарур бўлган рус тили, Россия тарихи ва қонунчилиги асослари бўйича комплекс имтиҳонни Ўзбекистонда топшириб, беш йилга амал қиладиган сертификат олиш имконига эга бўлдилар. Бу ҳақда Ўзбекистон Ташқи меҳнат миграцияси масалалари агентлиги хабар қилди.

Хабарда билдирилишича, Ўзбекистон фуқаролари учун рус тили, Россия тарихи ва қонунчилиги асослари бўйича билимларни аниқлашга қаратилган комплекс имтиҳон ўтказиш бош ваколатли олий таълим муассасалари ва Россия олий таълим муассасалари ўртасидаги икки томонлама шартномаларга мувофиқ Россия томонининг талаблари асосида ва белгиланган тартибда имтиҳон олувчи тесторлар томонидан ўтказилади.

Рус тили, Россия тарихи ва қонунчилиги асослари бўйича билимларни аниқлашга қаратилган комплекс имтиҳон пуллик асосда ташкил этилади.

Комплекс имтиҳонни қониқарли топширган номзодларга ваколатли Россия олий таълим муассасалари томонидан белгиланган тартибда сертификат берилади.

Комплекс имтиҳонлардан ўта олмаган номзодлар белгиланган тўловларни амалга оширган ҳолда бир ой ўтгандан сўнг (номзод мустақил ҳолда тайёргарлик кўради) қайта имтиҳонларда иштирок этиши мумкин.

Тавсия этамиз






Тавсия этамиз

Ҳар доим хабардор бўлинг!

carzone.uz мобил иловаларини кўчириб олинг ва барча янгиликлар сиз билан