Валюта курси: Ўз.Р.Марказий банки
USD
АҚШ доллари
EUR
Eвро
RUB
Россия рубли
Sayt test rejimida ishlayapti!!!

Сўнгги янгиликлар






Ўзбекистонда йўловчи ташувчи транспортда видеорегистратор ўрнатилиши мажбурий бўлади
18.07.2018 17:26,  
31

Норматив-ҳуқуқий ҳужжатлар лойиҳаларининг муҳокамаси порталида Вазирлар Маҳкамасининг "Йўл ҳаракати хавфсизлиги соҳасидаги ҳуқуқбузарликларга қарши курашиш самарадорлигини оширишга доир қўшимча чора-тадбирлар тўғрисида"ги қарори лойиҳаси умумий муҳокамага қўйилди.

Қарор лойиҳасига кўра, 2019 йил 1 июлга қадар жисмоний ва юридик шахсларнинг автотранспорт воситаларига ўрнатилган видеорегистраторлардан содир этилган ҳуқуқбузарликлар ҳолатлари тўғрисидаги видеоёзувларни тўпловчи веб-портал ишга туширилади.

Шунингдек, 2019 йил 1 июлдан мулкчилик шаклидан қатъи назар жамоат транспорти ва йўловчи ташувчи транспорт воситалари учун видеорегистраторлар ўрнатиш бўйича мажбурий тартиб жорий этилади.

Ҳуқуқбузарлик қайд этилган видеоёзувларни юборган фуқаролар ҳуқуқбузардан ундирилган жарима ҳисобидан энг кам ойлик иш ҳақининг беш фоизи миқдорида рағбатлантирилади.

Видеорегистраторлар орқали йўл ҳаракати қоидалари бузилганлиги қайд этилган видеоёзувларни тақдим этган фуқароларнинг шахсий маълумотлари ошкор этилишига йўл қўйилмайди.

Ўзбекистон Ички ишлар ва Молия вазирликлари томонидан жисмоний ва юридик шахсларнинг автотранспорт воситаларига ўрнатилган видеорегистраторлардан содир этилган ҳуқуқбузарликлар ҳолатлари тўғрисидаги видеоёзувларни тўпловчи веб-портал фаолиятини йўлга қўйиш учун зарур техника воситаларини харид қилиш учун маблағ ажратиш режалаштирилган.

Ҳужжат лойиҳаси 2018 йил 3 августгача муҳокама қилинади.

Тавсия этамиз






Тавсия этамиз

Ҳар доим хабардор бўлинг!

carzone.uz мобил иловаларини кўчириб олинг ва барча янгиликлар сиз билан