Aндижонда ИИБ ходимлари тунда кўчада юрган йигитларни ҳақорат қилиб, уларга қўл кўтарди (видео)

18.07.2018 | Жамият | 4542

Андижон вилоятининг Бўз туманида ички ишлар ходимлари соат 22:00дан кейин бир гуруҳ ёшлар стадионда футбол ўйнаб қайтаётган вақтда патруль автобусида келиб, уларни олиб кетишган. Шахсни тасдиқлаш учун туман ички ишлар бўлимига олиб бориб, у ерда тунги вақтда кўчада юришлари юзасидан сўроққа тутишган. Бу ҳақда Repost нашри хабар бермоқда

Қўлга олинган ёшлардан бири томонидан тасвирга олинган видеода ички ишлар ходимларидан бирининг ўз хизмат ваколатидан четга чиққан ҳолда ёш йигитлардан бирига нисбатан куч ишлатганини кўриш мумкин. ИИБ ходими ўзига бундай муомала қилмасликни сўраган йигитни қўпол сўзлар билан ҳақорат қилган. Ҳодиса иштирокчиларидан бири бу ҳолатни видеога олган. 

Эслатиб ўтамиз, ушбу ҳолат сўнгги вақтларда ички ишлар ходимларининг ўз хизмат ваколатларини суистеъмол қилгани билан боғлиқ ягона воқеа эмас. Аввалроқ, Самарқанд вилоятининг Каттақўрғон шаҳрида ИИБ ходими ички ишлар идорасига олиб келинган аёлни таҳқирлаганди, натижада шаҳар ИИБдаги 4 раҳбар ва 4 ходим ишдан бўшатилганди.