Машҳур футбол ҳаками Равшан Эрматов Россиядаги жаҳон чемпионатидан сўнг спорт шарҳловчиси Василий Уткинга совға бериб юборди. Бу ҳақда Уткин Sports.ru сайтида чоп этилган интерьвюда маълум қилди, .
"Ўтган ҳафтада Казансий билан ёзишдим. У Ўзбекистонда ярим финал ва финал ўйинни шарҳлаганди. У Эрматов менга совға юборганлигини айтди", - деди Уткин.
Эслатиб ўтамиз, Уткин Аргентина-Хорватия учрашувидаги судьяликдан кескин норози бўлиб, ўзининг арбитр ҳақидаги мулоҳазаларини Твиттердаги саҳифасида жойлаган эди. Шарҳловчи Эрматов йўл қўйилган қоидабузарликларга сариқ карточка кўрсатмаганидан дарғазаб бўлганди. Кейинчалик Уткин айтган ҳақоратлари учун кечирим сўраган.