Тошкент шаҳар ҳокими вазифасини вақтинча бажарувчи лавозимида 2018 йил апрелдан буён фаолият олиб бораётган Жаҳонгир Ортиқхўжаев айни дамда Туркия Республикасининг Истанбул шаҳрида ишчи ташриф билан бўлиб турибди. Таъбир жоиз бўлса, Ортиқхўжаев илк бор ҳоким ўлароқ Туркияга ташриф буюрмоқда. Аслида у Туркияга тез-тез қатнайди. Норасмий маълумотларга қараганда, Ортиқхўжаевнинг Туркияда бир неча хусусий ширкатлари мавжуд, ҳозирда амалий ташриф билан Туркия Республикасида бўлиб турибди.
Ташриф тафсилотлари Туркия ОАВда кенг ёритилмоқда. Жаҳонгир Ортиқхўжаев ўз интервьюсида Истанбулга ташриф давомида бир неча номдор ширкатлар раҳбарияти билан учрашув ўтказгани, уларни Ўзбекистонда иш бошлашга таклиф қилиш учун Туркияга келганини айтади.
Тошкент шаҳар ҳокими вазифасини бажарувчи Жаҳонгир Ортиқхўжаев маҳаллий ОАВларга турк тилида интервью берди.