Жорий йилнинг июл ойида худди аввалги ойлардек Ўзбекистон Украинадан энг кўп шакар сотиб олган. Украина шакар ишлаб чиқарувчилар Миллий ассоциацияси маълумотига кўра, ўтган ойда Ўзбекистонга — 89 фоиз, Молдовага — 4 фоиз, Озарбайжонга — 3 фоиз, Тожикистонга — 2 фоиз шакар экспорт қилинган.
Ўтган 3 ой давомида Ўзбекистон Украинадан 100 минг тоннадан кўп шакар сотиб олган. Таққослаш учун, 2017 йил давомида Россия Ўзбекистонга 109 минг тонна шакар экспорт қилган.
"Ўзбекозиқовқатхолдингнинг" хабарига кўра, шакар импорти туфайли, Ўзбекистонда шакар нархи аввалги йилларгидай баҳор-ёз ойларида кескин ошиши кузатилмаган.