Ўзбекистон Президенти Шавкат Мирзиёев 10 август куни Тошкент шаҳрининг Шайхонтоҳур тумани фаоллари билан учрашув ўтказган эди.

Учрашув давомида Давлат раҳбари сўнгги 27 йилда илк бор одамларга бепул уйлар тарқатилишини таъкидлаб ўтди.

Ўтган йили 4088 та хонадон бўлса, бу йилнинг ўзида 28 000 хонадонли 668 та кўп қаватли уйлар қурилмоқда. Бу фақат Тошкентнинг ўзида. Тарихда биринчи марта биз бепул уйлар берамиз — инвалидларга, кам таъминланган оилаларга, муҳтож одамларга. Биз 27 йилда бепул уй бермаганмиз.

Садоқат билан ишлаган, бюджетдан ойлик оладиган одамларнинг ҳам невараси бор, унинг ҳам уй олиш хоҳиши бор. Ана шуларнинг ҳаммасини инобатга олиб, биз Тошкентда мана шундай катта марра олдик. Шайхонтоҳур туманига ҳам яна қанча қўшимча уй қурсак маъқул бўлади? Шифокоргами, ўқитувчигами, пенсионергами, нуронийларгами эътиборни кучайтириш бўйича, мен ўйлайманки, сизлар таклиф берсангиз, бугун бу таклифлар албатта инобатга олинади.

Ўзи яшашдан мақсад нима? Ўзи нима учун президент керак, нима учун давлат керак, нима учун туман ҳокими керак — халқимизга шароит яратиш учун керак!

Шавкат Мирзиёев, Ўзбекистон Президенти