Сурхондарёда рўй берган даҳшатли автоҳалокат оқибатида уч нафар йўловчи вафот этди

19.08.2018 | Ўзбекистон | 3792

Сурхондарё вилоятининг Бойсун туманида 19 август куни Денов туманида яшаган А.Ю. ўзининг бошқарувидаги Nexia русумли автомашинасини M-39 «Олмаота—Бишкек—Тошкент—Термиз» йўлининг 1334-километрида ҳайдаб кетаётиб шу йўналишда ўзидан олдинда ҳаракатланиб кетаётган, Э.Т. бошқарувидаги КаМАЗ-53212 русумли юк автомашинасини орқа томонига бориб урилган.

Бу ҳақда ИИВ жамоатчилик ва оммавий ахборот воситалари билан алоқалар бошқармаси хабар берди.

Натижада Nexia автомашинаси ҳайдовчиси А.Ю. ва бир нафар йўловчиси воқеа жойида, ҳамда икки нафар йўловчи касалхонага келтирилганда вафот этган. Шунингдек, автомашинанинг қолган уч нафар йўловчи турли даражадаги тан жароҳатлари билан касалхонага ётқизилган.