Валюта курси: Ўз.Р.Марказий банки
USD
АҚШ доллари
EUR
Eвро
RUB
Россия рубли
Sayt test rejimida ishlayapti!!!

Сўнгги янгиликлар






АҚШ фуқароси қилмаган жинояти учун 27 йил қамоқда ўтириб чиқди
21.09.2018 19:44,  
5

АҚШда содир этмаган жинояти учун 27 йил қамоқда ўтирган Валентино Диксон озодликка чиқарилди, бу ҳақда  Golfworld хабар бермоқда.

Йигирма етти йил аввал Валентино Диксон тунги клубга келади. У ерда муштлашув бошланиб, отишма содир бўлади. Валентино айтишига кўра, тўқнашувда у иштирок этмаган ва воқеа жойидан кетиб қолган. Бундан ташқари, у клубда 17 ёшли йигит ҳалок бўлганлигини ҳам билмайди.  

Диксон онаси айтишига кўра, улар дўстларидан ўғли полиция томонидан қидирилаётганлигини билиб қолишади. Бир неча вақтдан сўнг, уйига полиция келиб, уни ҳибсга олишади.

Бундан аввал Валентино наркотик моддаларни сақлаш учун судланганди. Шу билан бирга, тунги клубда ўқ узилган тўппонча унга тегишли бўлган. Бироқ, гувоҳлар айнан ким ўқ узганини аниқ айта олишмайди. Шунга қарамай, Диксон айбдор деб топилиб, унга 39 йил қамоқ жазоси тайинланади.

Кейинчалик, юридик университетининг кўнгилли талабалари бу ҳолатни тергов ўтказишга киришадилар. Талабалар тергов жараёнида барча гувоҳларни сўроқ қилишади. Диксон ўша вақт жазо муддатининг учдан икки қисмини ўтказган бўлади.

Талабалар мудҳиш кечада Ламар Скотт исмли киши тўппончадан ўқ узганлигини аниқлашади. У йигит эса бошқа жиноят учун қамоқда бўлган. Сўроқ пайтида Скотт 27 йил олдин ўша клубда йигитга ўқ узганлигини тан олади. Талабалар тергов натижаларини ҳуқуқ тартибот органларига беришади. Натижада Диксонни озодликка чиқариш ҳақида қарор қабул қилинади.

Озодликка чиққан Валентино сўзларига кўра, уни ноҳақ айблаган шахсларни қидиришни режалаштирмаган. У фақат оиласи ва дўстлари даврасида вақт ўтказишни хоҳламоқда. Шунингдек, рассомлик қобилиятини ҳам ривожлантириш истагида. 27 йил ичида унинг қизи турмушга чиқиб, у иккита набирали бўлган экан.

Тавсия этамиз






Тавсия этамиз

Ҳар доим хабардор бўлинг!

carzone.uz мобил иловаларини кўчириб олинг ва барча янгиликлар сиз билан