Тошкент кўчаларида тунги пайтда ҳам радарлар ишламоқда (видео)
26.09.2018 16:47,
21
Тошкент кўчаларида тунги пайтда ҳам радарлар ишлаши йўлга қўйилди. Бу ҳақда Sputnik нашри Тошкент ИИББ ходими маълумотига асосан хабар қилди.
Интернетда мобил радар ишлаши ҳақида видео лавҳа жойлаштирилди.
“Кечадан бошлаб тунги пайтда мобил радарлар ишлаши йўлга қўйилди. Бир кечанинг ўзида Амир Темур кўчасида 232 та тезликни ошириш ҳолати аниқланди. 7 сентябрдан бошлаб радарлар тезликни меъёридан ошириш бўйича сал кам 16 минг ҳолатни қайд этди”, - деб маълум қилди Тошкент ИИББ ходими.
Ички ишлар тизими ходимининг сўзларига кўра, йўл қоидаларини бузган ҳайдовчиларга почта орқали огоҳлантириш хатлари келади.