Валюта курси: Ўз.Р.Марказий банки
USD
АҚШ доллари
EUR
Eвро
RUB
Россия рубли
Sayt test rejimida ishlayapti!!!

Сўнгги янгиликлар






Имон Каримова онаси қаерда эканлигини маълум қилди
2.10.2018 16:01,  
12

Аввалроқ, Гулнора Каримованинг қизи Имон Каримова Тошкентдан Лондонга учиб кетгани ҳақида хабар бергандик. У Instagram'даги саҳифасига Лондонга етиб олганини тасдиқловчи суратни жойлаштирган.

Шунингдек, Тошкент халқаро аэропортидан чиқаётиб юз берган кўнгилсизлик ҳақида ҳам ёзган:

“Аэропортда мени чалғитиб, компьютерим ва бошқа техникалардаги ахборотларни йўқ қилиш учун ёлғон жанжал чиқаришди. Бу тергов қилишга арзимайдиган нарса. Онам энди уйда. Балки шунинг учун қандайдир муҳим нарса излашгандир”, деб ёзади Имон.

Бош прокуратура матбуот хизмати Kun.uz'га маълум қилишича, Имон Каримова Ўзбекистондан чиқиб кетишига ҳеч бир расмий тўсқинлик йўқ. Онаси Гулнора Каримова эса қонун билан белгиланган тартибда жазо ўташда давом этмоқда.

Имон Каримова Instagram'да обуначиларининг саволларига жавоб бераркан, Лондонга ўқиш мақсадида боргани ва яқин орада Тошкентга қайтишини маълум қилган.

Маълумот учун, Гулнора Каримова 2015 йилнинг августида жиноят ишлари бўйича Тошкент вилояти суди томонидан бир қатор жиноятларда айбдор деб топилган. Жумладан, Каримова жиноий гуруҳ тузишга алоқадорлик, ўғирлик, пул ундириш, давлат маблағларини ўз эҳтиёжлари учун ишлатиб юбориш, солиқлар тўлашдан бош тортиш сингари жиноятларда айбланган ва 5 йил муддатга озодликдан маҳрум қилинган.

Тавсия этамиз






Тавсия этамиз

Ҳар доим хабардор бўлинг!

carzone.uz мобил иловаларини кўчириб олинг ва барча янгиликлар сиз билан