Дунё бозорида нефть нархи кескин қимматлашмоқда
2.10.2018 16:30,
14
Нефть қимматлашмоқда: кеча, 1 октябрь куни «Brent» маркали нефть тўрт йил олдинги нархига тенглашди. Лондондаги «ICE» биржасида «қора олтин»нинг бир баррели 85 АҚШ долларига баҳоланди. Охирги марта бундай нарх 2014 йилнинг 3 ноябрида қайд этилганди, дея хабар бермоқда «Life».
Шу тариқа бир кун ичида нефть бир доллардан кўпроққа қимматлашди.
Экспертлар АҚШнинг Эронга санкциялар жорий этиши арафасида нефть қимматлашаётганига эътиборимизни тортмоқда. Чекловлар бу мамлакатдан нефтни экспорт қилишда муаммолар туғдириши мумкин.