Тошкентда Lacetti дарахтга урилиши оқибатида 2 киши ҳалок бўлди
11.10.2018 11:36,
2
Тошкент шаҳрининг Чилонзор туманида 11 октябрь куни икки кишининг ўлимига сабаб бўлган ЙТҲ содир бўлди. Бу ҳақда ИИВ жамоатчилик ва ОАВ билан алоқалар бошқармаси хабар берди.
Қашқадарё вилоятининг Яккабоғ туманида яшаган М.Ш. Lacetti русумли автомашинасини Фурқат кўчасида жойлашган «Халқлар дўстлиги» санъат саройи олдида ҳайдаб кетаётиб, бошқарувни уддалай олмай, йўл четидаги дарахтга урилди.
Ҳодиса оқибатида машина ҳайдовчиси М.Ш. ва унинг йўловчиси Н.М. жароҳат олиб, воқеа жойида ҳалок бўлди. Ҳолат юзасидан дастлабки терговолди ҳаракатлари олиб борилмоқда