Қозоғистон ўз сунъий йўлдошини Space X ёрдамида учирмоқчи

07.11.2018 | Жаҳон | 2300

Қозоғистон ўзининг биринчи илмий-технологик сунъий йўлдошини Американинг Space X компаниясига тегишли Falcon-9 ракета ташувчиси ёрдамида орбитага олиб чиқади. Бу ҳақида Қозоғистон Мудофаа ва аэрокосмик саноат вазирлиги матбуот хизмати маълумотига асосланиб Интерфакс хабар тарқатди.

Сунъий йўлдош Ер атрофи орбитасига 20 ноябрь куни жўнатилади. Идорадан маълум қилинишича, Falcon-9 нинг учирилиши Россиянинг “Союз” ва “Протон” ракеталарига нисбатан арзонга тушади. Шулар билан бир қаторда вазирлик томонидан “Бойқўнғир”даги стартлардан воз кечилмаслиги ҳам айтиб ўтилди.

11 октябрь куни “Союз-ФГ” ракетаси ҳалокатга учраган эди. Халқаро космик станцияга етказиб қўйилиши керак бўлган космонавт Алексей Овчинин ва астронавт Ник Хейг эса ушбу фожеадан қутулиб қолганди. Уларга ҳеч қандай жароҳат олмаган. Ҳалокатдан сўнг суғурта компаниялари “Союз-ФГ” ва “Союз 2.16” ракеталарини суғурталаш бўйича танловларда қатнашмай қўйишди.