Сурхондарё вилояти, Шўрчи туманидаги Жарқишлоқ маҳалласида яшовчи Фотиҳ Сотиболдиев (исм-шариф ўзгартирилди) уйида турмушдан ажрашган 31 ёшли қизининг қирқ кунлик ўғил фарзандини 1,5 миллион сўмга сотаётганида ҳуқуқ-тартибот идоралари ходимлари қўлига тушди. Бу ҳақда ЎзА хабар берди.

Ўз неварасини арзимаган пулга сотишни мўлжаллаган 51 ёшдаги бу шахснинг қилмишидан маҳалладошлари ҳам ёқа ушлади.

Айни пайтда Ф. Сотиболдиевга нисбатан Жиноят кодексининг 135-моддаси 3-қисми «а» банди билан жиноят иши қўзғатилиб, тергов ҳаракатлари олиб борилмоқда.