Қозоғистоннинг Ақтўбе вилоятида 52 нафар ўзбекистонлик ёниб кетган автобус ҳайдовчиларига 9 ноябр куни ҳукм ўқилди.
Суд қарорига мувофиқ,судланувчилар ҳалок бўлган 52 ўзбекистонлик учун уларнинг оила аъзоларига 2 миллион тенге миқдорида (5300 доллар атрофида) товон пули тўлашади, дея хабар берди “Интерфакс” агентлиги.
2018 йилнинг 18 январь куни Қозоғистоннинг Ақтўбе вилояти ҳудудида, Самара-Чимкент трассаси 1068-километрида ҳайдовчилар билан бирга жами 57 киши бўлган автобус ёниб кетганди.
Автобуснинг ёниб кетишига техник носозлик ва хавфсизлик техникасига риоя қилмаслик сабаб бўлгани айтилганди.