Туркиялик муҳандислар жамоаси бир нечта BMW русумидаги автомобилларни 8 ойлик меҳнатдан кейин реал трансформерларга айлантиришга муваффақ бўлишди. Бу ҳақда Interesting Engineering нашри муҳандислар жамоасига таяниб хабар берган, деб ёзмоқда carzone.uz.
Лойиҳа доирасида тўлиқ функционал трансформер роботлар яратилган. Letrons компаниясининг муҳандислари тарафидан ушбу робот/автомобиллар чиндан ҳам кишининг эътиборини тортади.
Letrons эндиликда бундай трансформер робот/автомобилларни сотувга чиқаришни режалаштирмоқда. Бироқ ушбу моделларнинг нархи анча қиммат бўлишини тахмин қилиш қийин эмас.
Ҳозирча 12 кишидан иборат Letrons фирмаси муҳандислари BMW автомобилларидан яратган ушбу роботларни фақат дистанцион пульт ёрдамида бошқариш мумкин. Аммо компания лойиҳага инвесторларни жалб қилгач, ҳаракатланадиган ҳақиқий робот-автомобилларни ишлаб чиқишни режалаштирган. Сабаби ҳозирги трансформерлар фақат шаклини ўзгартиради, бироқ улар ҳаракатлана олмайди. Муҳандислар жамоаси исталган автомобилдан робот-трансформер ясаш мумкинлигини таъкидлаб ўтган.