Август ойида Ямандаги тўқнашувлар чоғида камида 180 тинч фуқаро ҳалок бўлди. Бу ҳақда БМТнинг инсон ҳуқуқлари бўйича олий комиссари бошқармаси маълум қилди. Бу ҳақда Рейтер агентлиги хабар тарқатди.
Комиссар, шунингдек, август ойида фуқаролик объектларига, жумладан, шифохоналар, дўконлар ва зиёратгоҳларга уюштирилган ҳужумлар сони ортганини айтиб ўтди.
Шу тариқа, 2015 йил мартида Яманда бошланган ихтилоф оқибатида ҳалок бўлган тинч аҳоли вакилларининг умумий сони 4 минг кишига яқинлашди.