Япониядаги CEATEC кўргазмасида “Хонда” 3D-принтерда босиб чиқарилган биринчи машинасини кўрсатди. Бу лойиҳа инновацион инженерлик ишларига ихтисослашган Kabuku Inc япон компанияси билан ҳамкорликда бажарилган, деб ёзмоқда carzone.uz.

Релизда “Русум якка ҳайдовчига мўлжалланган бўлиб, кичик юкхонаси бор. Шу жиҳатидан фойдаланиб Япониянинг Toshiyama кондитерлик компанияси харидорларга печенье элтиб бериш учун янги электрокардан фойдаланмоқда”, дейилган.

Электромобилни ясашда Honda – Micro EV ноёб технологияси қўлланган, шассиси енгил, бироқ мустаҳкам конструкцияда ясалган. Яқин кунларда электромоби лни синаш бошланади.

Honda Motor компаниясига 1964 йилда асос солинган. 60-йилларда компания мотоцикл чиқарган, 70-йилларга келиб автомобиль ясай бошлаган ва жаҳон автобозорига дадил кириб келган. “Хонда”нинг асосий офиси Токио шаҳрида. Ҳозирги кунда дунёнинг 33 мамлакатида “Хонда”нинг юздан ортиқ заводлари бор. Жами ишчи-хизматчилари сони 200 минг атрофида.