Путин Рамзан Қодировни вақтинчалик Чеченистон раҳбари лавозимига тайинлади

26.03.2016 | Жаҳон | 660

Россия президенти Владимир Путин Рамзан Қодировни Чеченистон республикаси раҳбари вазифасини вақтинча бажарувчи лавозимига тайинлади ҳамда сентябр ойида бўлиб ўтадиган сайловларда Қодиров ҳам қатнашишига умид билдирди.

"Чеченистон раҳбари сифатида даврим ўтди"

"Сўнгги йилларда чечен халқи, энг аввало республика аҳолиси учун амалга оширилган ишлардан келиб чиққан ҳолда бугун мен сизни Чеченистон раҳбари вазифасини бажарувчи лавозимига тайинлаш тўғрисидаги қарорни имзоладим. Умид қиламанки, сентябр ойида бўлиб ўтадиган сайловларда иштирок этасиз. Шунингдек, сайловолди кампанияси давомида ҳам Чеченистон халқи сизнинг республика учун амалга оширган ишларингиз,меҳнатингизни муносиб баҳолайди. — деб таъкидлади Россия президенти.

Эслатиб ўтамиз, Рамзан Қодировнинг феврал ойида Чеченистон раҳбари сифатида даври тугаганлигини боис, ўз ўрнига бошқа раҳбар топишларини айтган эди. Аммо шу билан бирга, Путиннинг ҳар қандай топшириғини бажаришга тайёрлигини ҳам қўшимча қилган.