Валюта курси: Ўз.Р.Марказий банки
USD
АҚШ доллари
EUR
Eвро
RUB
Россия рубли
Sayt test rejimida ishlayapti!!!

Сўнгги янгиликлар






Боксчиларимиз Мўғулистонда 11та медални қўлга киритишди
23.10.2016 16:26,  
2

Мўғулистон пойтахти Улан-Батор шаҳрида бокс бўйича анъанавий халқаро турнир ўз якунига етди.

Ўнга яқин давлат боксчилари иштирок этган Chinggis Khan Cup турнирида мамлакатимизнинг биринчи ва иккинчи рақамли чарм қўлқоп усталари ҳам рингга кўтарилишди. Шунингдек, аёл боксчиларимиздан тўрт нафари ҳам ўз маҳоратини намойиш этди.

Қувонарлиси, якунда 11 нафар боксчимиз халқаро турнирнинг турли даражадаги медалларни қўлга киритишди. Эркаклар ўртасидаги баҳсларда ўз вазн тоифаларида Исроил Мадримов ва Абдулҳай Шораҳматов барча рақибларини мағлуб этиб, шоҳсупанинг энг юқори поғонасига кўтарилишди.

Нодир Мирзааҳмедов, Аброр Қодиров ҳамда Фазлиддин Мелибоев финалга қадар етиб бориб, кумуш медал билан тақдирланишди. Элнур Абдураимов ва Зуҳриддин Маҳкамов эса бронза медалига сазовор бўлишди.

Хотин-қиз боксчиларимизнинг натижаси ҳам кутилганидан яхши бўлди. Турсуной Раҳимова ва Мафтуна Мелиева олтин медални қўлга киритишди. Шаҳноза Низомова кумуш, Дилноза Одилжонова бронза медалига эга чиқди.

Мўғулистондаги турнирда терма жамоамизга Рустам Саидов ва Дилмурод Ҳасановлар мураббийлик қилишди. Бекжон Юсупов эса бокс баҳсларида ҳакамлик қилди.

ЯКУНИЙ НАТИЖАЛАР (Ўғил болалар):

Олтин медал

Исроил Мадримов (75кг)

Абдулҳай Шораҳматов (56кг)

Кумуш медал

Нодир Мирзааҳмедов (49кг)

Аброр Қодиров (52кг)

Фазлиддин Мелибоев (69кг)

Бронза медал

Элнур Абдураимов (60кг)

Зуҳриддин Маҳкамов (81кг)

ҚИЗЛАР

Олтин

Турсуной Раҳимова (51кг)

Мафтуна Мелиева (60кг)

Кумуш

Шаҳноза Низомова (69кг)

Бронза

Дилноза Одилжонова (54кг)

Тавсия этамиз






Тавсия этамиз

Ҳар доим хабардор бўлинг!

carzone.uz мобил иловаларини кўчириб олинг ва барча янгиликлар сиз билан