Қашқадарё вилояти Қарши тумани Кахлак қишлоғида яшовчи фуқаронинг уйидан Acer русумли ноутбук ҳамда 4 минг доллар миқдордаги пуллари ўғирлаб кетилган.
Ушбу ҳолат юзасидан жиноят иши қўзғатилиб, тезкор-қидирув ишлари олиб борилди. Натижада талончиликни шу қишлоқда яшовчи 20 ёшли фуқаро содир этганлиги аниқланиб, қўлга олинди.
Айни вақтда унинг бошқа жиноятларга алоқадорлигини аниқлаш юзасидан тергов ҳаракатлари давом этмоқда, деб хабар беради ИИВ матбуот хизмати.