Валюта курси: Ўз.Р.Марказий банки
USD
АҚШ доллари
EUR
Eвро
RUB
Россия рубли
Sayt test rejimida ishlayapti!!!

Сўнгги янгиликлар






Жанубий Корея президенти жиноий иш бўйича гумондорлар рўйхатида
22.11.2016 13:03,  
8

Воқеалар ривожи Жанубий Корея президентни Пак Кин Ҳени импичмент сари яқинлаштирмоқда, дея хабар беради Al Jazeera агентлиги.

Мухолиф партиялар коррупцион можаролар чангалида қолган Пак Кин Ҳенинг истеъфосини тезлаштиришга уринмоқда. Жанубий Корея прокуратураси якшанба куни мамлакат президентини Чой Сун Шил билан боғлиқ жиноий ишга алоқадорликда гумонланаётганлар рўйхатига қўшган.

Пак Кин Ҳенинг дугонаси ва собиқ энг яқин мулозими аллақачон лавозимни суиистеъмол қилишда айбланган. Улар компаниялрни можаролар марказида турган хайрия жамғармаларига пул беришга мажбурлашда айбдор деб ҳисобланмоқда.

Мухолифатдаги Либерал-демократик партия раҳбари Чу Ми Э президентнинг истеъфосини тезлаштириш ва импичментни қўллаш учун махсус қўмита ташкил этиш лозимлиги ҳақида гапирган. Қолган партиялар ҳам бу таклифни қўллаб-қувватлашини билдирган.

Парламент аъзолари ҳам мухолифат ҳам президентнинг истеъфосини талб қилаётган юз минглаб намойишчилар босими остида қолган. Импичмент масаласи Миллий Ассамблеяда кўрилиши лозим. Қарор қабул қилиниши учун депутатларнинг учдан икки қисми уни ёқлаб овоз бериши лозим бўлади. Айни пайтда импичмент амалга ошишига кўпчилик шубҳа қилмаяпти.

Чунки Пак Кин Ҳенинг партиядошлари ҳам сўнгги пайтларда унинг истеъфосини қўллай бошлашган. Агар импичмент парламентда қабул қилинса, кўриб чиқиш учун Конституцион Судга топширилади. Суд ишни 6 ой ичида кориб чиқиши керак бўлади.

Пак Кин Ҳенинг ваколат муддати 2018 йилнинг февраль ойида тугаши лозим. Таҳлилчилар фикрича, муддатидан аввал президентнинг истеъфоси амалга қийин масала. Боиси, мамлакат қонунчилигида хиёнат ва исёндан бошқа жиноятлар учун президент жавобгарликдан дахлсизлик ҳуқуқига эгалиги қайд этилган.

Жанубий Кореяда сиёсий инқироз октябрь ойининг сўнгги ҳафтасида Пак Кин Ҳенинг дугонасига қарашли компютердан давлат ҳужжатлари топилиши ортидан бошланган эди. Чой Сун Шилга нисбатан молияваий фирибгарлик, дугонасининг мансабидан фойдаланиш, давлат ишларига аралашиш ва президентнинг нутқларига ўзгартириш киритиш каби айбловлар қўйилган. Кетма-кет тўрт ҳафта давомида дам олиш кунлари Сеул кўчалари президентнинг истеъфосинин талаб қилган намойишчилар билан тўлган. Охирги норозилик намойишларида 150 мингдан 500 минг нафаргача одам қатнашгани хабар қилган.

Тавсия этамиз






Тавсия этамиз

Ҳар доим хабардор бўлинг!

carzone.uz мобил иловаларини кўчириб олинг ва барча янгиликлар сиз билан