Асакадаги GM Uzbekistan ҚК автойиғув заводида МДҲ бозорлари учун мўлжалланган Ravon R4 автомобилларини серияли ишлаб чиқариш бошланди.
Мазкур русумдаги машиналарнинг биринчи партияси Россияга жўнатилди, дея хабар қилди корхона матбуот хизмати. Яқин вақтлардаги режада бошқа бозорларга ҳам автомобилларни жўнатишни бошлаш назарда тутилган.
Ravon R4 модели (маҳаллий бозорда — Chevrolet Cobalt) янги экстерьер дизайнга эга бўлиб, 1,5 л B-DOHC двигатель ва янги авлод автомат тезлик узатмалар қутиси билан таъминланган.
Ravon R4 фаол ва пассив хавфсизлик тизимида ҳайдовчи ва олд йўловчи хавфсизлик ёстиқчаси, мустаҳкамланган орқа ўриндиқлар ва ISOFIX болалар ўринлиқларини ўрнатиш тизими, блокланишга қарши тормоз тизими ва кундузги олд чироқлар ўрин олган.