АҚШ Ҳарбий-денгиз кучларининг икки десант кемаси Ўртаер денгизи ҳудудига кирди. Бу ҳақда Пентагон сайти маълум қилди.
Wasp (LHD 1) десант кемаси ва Whidbey Island (LSD 41) десант-док кемаси 1 декабрь куни Сувайш каналидан ўтиб, Олтинчи флот назоратидаги ҳудудга кирган.
Уларнинг бортида 4 минг ҳарбий хизматчи – денгизчилар ва ARG гуруҳини ташкил этувчи денгиз пиёда қўшинлари аскарлари бор.
Wasp кемаси командири Байрон Огденнинг сўзларига қараганда, уларнинг зиммасига Ўртаер денгизида хавфсизликни таъминлаш юклатилган.