Миллионлаб тонна озиқ-овқат чиқиндига ташланяпти
3.12.2016 09:17,
8
Дунёда ҳар йили озиқ-овқат маҳсулотларининг учдан бир қисми, яъни 1 миллиард 300 миллион тоннаси чиқиндига ташланмоқда. Бу ҳақда БМТ Озиқ-овқат ва қишлоқ хўжалиги ташкилоти маълумотларига таянган ҳолда DW хабар тарқатди.
Бу маҳсулотларнинг бир қисми ҳали истеъмол муддати ўтмасдан турибоқ ахлатга айланмоқда.
Штутгарт университети олимлари ўтказган тадқиқотда эса Германияда ҳар йили 6 миллион 700 минг тонна озиқ-овқат (асосан мева-сабзавотлар, хамир ва сут) маҳсулотлари исроф бўлаётгани аниқланди. Бу ҳар бир германиялик йилига 82 килограмм маҳсулотни йўққа чиқармоқда деганидир.