Валюта курси: Ўз.Р.Марказий банки
USD
АҚШ доллари
EUR
Eвро
RUB
Россия рубли
Sayt test rejimida ishlayapti!!!

Сўнгги янгиликлар






Жанубий Корея парламенти президентнинг истеъфосини муҳокамага киритди
8.12.2016 18:34,  
1

Жанубий Корея парламентида Пак Кин Ҳенинг импичменти бугун депутатлар муҳокамасига қўйилди, дея хабар бермоқда Reuters агентлиги.

Жанубий Кореяда октябрь ойининг сўнгги ҳафтасида бошланган сиёсий инқироз давом этмоқда. Жума куни парламентда президентнинг импичменти овозга қўйилади. Импичмент лойиҳаси мухолиф партиялар томонидан ишлаб чиқилган ва пайшанба куни парламентда таништирилган.

Импичмент ҳақида қарор қабул қилиниши учун парламент аъзоларининг камида учдан икки қисми уни ёқлаши керак бўлади. Айни пайтда 300 ўринлик парламентда Пак Кин Ҳенинг Сенури партияси аъзолари кўпчиликни ташкил қилади. Президентнинг истеъфоси учун 200 нафар депутат овоз бериши керак. Ҳозирча Сенури партияси вакилларидан 30 нафари исеъфони қўллаб-қувватлаши кутилмоқда. Шу сабабдан кўпчилик импичментнинг парламентда кўпчилик овоз билан қабул қилинишига шубҳа қилмаяпти.

Парламент импичмент учун овоз берган тақдирда мазкур қарор Конституциявий судда кўриб чиқилади. Бу жараён 180 кунгача муддатни талаб этиши мумкин. Ҳафта аввалида Пак Кин ҳега яқин партия мулозимларидан бири президент ўз лавозимини сақлаб қолиш учун охиригача курашишини маълум қилган эди.

Пак Кин Ҳенинг ваколат муддати 2018 йилда тугаши лозим эди. Аммо 6 ҳафта аввал бошланган президентнинг дугонаси Чой Сун Шил билан боғлиқ можаролар ортидан у муддатидан аввал лавозимини тарк этишга яқин турибди. Конституциявий суд мажбурий истеъфони маъқуллаган тақдирда, Пак Кин Ҳе Жанубий Кореянинг импичмент орқали ҳокимиятдан четлатилган илк президенти бўлиши мумкин. 2004 йилда Жанубий Кореянинг собиқ президенти Ро Му Ҳённинг импичменти Конституциявий суд томонидан рад этилган эди.

Жанубий Кореяда сиёсий инқироз октябрь ойининг сўнгги ҳафтасида президентнинг дугонаси Чой Сун Шилнинг компютеридан давлат ҳужжатлари топилиши ортидан бошланган эди. Чой Сун Шилга нисбатан дугонасининг ваколатидан фойдаланиш, давлат ишларига таъсир ўтказиш ва молиявий фирибгарлик бўйича айблар қўйилган. Терговчилар Чой Сун Шилга қарашли жамғармаларга йирик корпорациялар томонидан миллионлаб доллар маблағлар ноқонуний ўтказилганини аниқлашган.

Можаролар ортидан Жанубий Кореяда Пак Кин Ҳенинг лавозимидан кетишга чақирган норозилик намоишлари бошланиб кетган. Дам олиш кунларида юз минглаб намойишчилар Сеул кўчаларини тўлдирган. Пак Кин Ҳенинг рейтинги реcорд даражада пасайиб, 4 фоизга тушиб қолган. Ўтказилган сўровномаларда 78,2 фоиз қаҳоли президентнинг истеъфога чиқишини исташини маълум қилган.

Пак Кин Ҳенинг ўзи бир неча марта халққа мурожаат билан чиқиб, кечирим сўраган. Айни пайтда, президент хоним импичмент амалга ошмаслигига умид қилмоқда. Жанубий Корея конституциясига кўра, президент хиёнат ва исёндан бошқа жиноятлар учун жавобгарликка тортилиши мумкин эмас.

Тавсия этамиз






Тавсия этамиз

Ҳар доим хабардор бўлинг!

carzone.uz мобил иловаларини кўчириб олинг ва барча янгиликлар сиз билан