Абдулазиз Комилов Буюк Британия Ташқи ишлар вазирининг ўринбосари билан учрашди
17.12.2016 10:28,
3
16 декабр куни Ўзбекистон Ташқи ишлар вазири Абдулазиз Комилов мамлакатимизда ташриф билан бўлиб турган Буюк Британия ва Шимолий Ирландия Бирлашган Қироллиги Ташқи ишлар вазирининг ўринбосари Алан Дункан билан учрашди.
Суҳбат чоғида сиёсий, савдо-иқтисодий, инвестицион, маданий-гуманитар ва бошқа соҳалардаги икки томонлама муносабатларнинг ҳолати ва истиқболлари муҳокама қилинди.
Мулоқот давомида Ўзбекистон-Британия ҳамкорлигининг барча йўналишлари бўйича алоқаларни мустаҳкамлаш ва ривожлантиришга қизиқиш билдирилди ҳамда халқаро ва минтақавий кун тартибининг айрим масалалари юзасидан фикр алмашилди.
Учрашувда Буюк Британия элчиси Кристофер Аллан иштирок этди, деб хабар беради ТИВ матбуот хизмати.