Қозоғистон Миллий хавфсизлик қўмитаси “Ат-такфир вал-ҳижра” экстремистик ташкилотига қарши махсус операция уюштирди.
Операция бир вақтнинг ўзида Алмати шаҳри ҳамда Алмати, Оқтўба ва Атирау вилоятларида ўтказилмоқда.
Қўмитанинг билдиришича, 16 киши қўлга олинган, уларнинг уйида тинтув ўтказилган. Қўлга олинганларга диний нифоқ қўзғатиш айби қўйилган.
“Ат-такфир вал-ҳижра” ташкилоти АҚШ, Россия, Хитой, Миср, Ливия, Марокаш, Тожикистон, Ўзбекистон ва бошқа бир қатор мамлакатларда тақиқланган”, дейилади Қозоғистон Миллий хавфсизлик қўмитаси баёнотида.
Шунингдек, баёнотда “Ат-такфир вал-ҳижра” аъзолари Сурия ва Ироқдаги террорчиларнинг амалларини маъқуллаши, дунёвий бошқарув шакли ва конституцион қонунларни инкор этиши айтилган.