Аввалроқ, 24 декабрь куни Қирғизистон Республикаси Президенти Алмазбек Атамбаев расмий ташриф билан Ўзбекистонга келиши ҳақида хабар берган эдик.
Мазкур маълумот Ўзбекистон Республикаси Ташки ишлар вазирлиги томонидан тасдиқланмаган бўлса-да, Президентнинг ташрифига катта тайёргарлик кўрилмоқда, деб хабар беради РИА Новости қирғиз давлат раҳбари маъмурияти вакилига асосан.
Алмазбек Атамбаевнинг Ўзбекистонга ташрифи давомидаги асосий тадбирлар, хусусан, Президент Шавкат Мирзиёев билан учрашув Самарқандда бўлиб ўтиши кутилмоқда.
Эслатиб ўтамиз, Атамбаев Шавкат Мирзиёев томонидан Президент сифатида қабул қилинадиган биринчи хориж давлат етакчиси бўлади.