Алмазбек Атамбаев Ислом Каримов қабрини зиёрат қилди
24.12.2016 16:19,
2
Бугун, 24 декабрь куни Алмазбек Атамбаев бошчилигидаги делегация ўтирган самолёт Самарқанд аэропортига келиб қўнди. Мартабали меҳмонни Ўзбекистон Республикаси Президенти Шавкат Миромонович Мирзиёев қарши олди. Бу ҳақда Қирғизистон Республикаси Президенти матбуот хизмати хабар қилмоқда.
Алмазбек Атамбаев Самарқандга ташрифини Ўзбекистон Республикасининг Биринчи Президенти Ислом Абдуғаниевич Каримов қабрини зиёрат қилишдан бошлади. Ислом Каримов қабрига гулдаста қўйган Атамбаев унга ҳурмат бажо келтирди.
Ташриф доирасида Ўзбекистон ва Қирғизистон давлат раҳбарларининг учрашуви ўтказилиши режалаштирилмоқда.