Сочи яқинида ҳалокатга учраган Ту-154 самолётида бўлган ҳарбийларнинг оилаларига “Согаз” суғурта компанияси 5,8 млн рублдан тўлайди. Бу ҳақда РИА Новости компания вакили маълумотига асосланиб хабар беряпти.
Суғурта компанияси маблағ тез орада тўланишини билдирди.
Эслатиб ўтамиз: Россия Мудофаа вазирлигига тегишли бўлган Ту-154 ҳаво лайнери бугун эрталаб соат 05:20да Сочи аэропортида учиб чиққан эди. парвоздан 20 минут ўтиб ҳаво кемаси радарлардан йўқолиб қолди. Бир неча соат ўтиб лайнер қолдиқлари Қора Денгизнинг Сочи қирғоғидан 1,5 км узоқликда, 50-70 метр чуқурликда топилди. Ушбу самолёт ичида артистлар ва журналистлар Россия ҳарбийларини Янги йил билан табриклаш мақсадида “Хмеймим” авиабазасига йўл олишган бўлган