АҚШнинг сайланган президенти Дональд Трамп инаугурациядан кейин амалдаги президент Барак Обама томонидан қабул қилинган фармонларнинг 60 ёки 70 фоизини бекор қилиши мумкин. Бу ҳақда собиқ спикер Трампнинг маслакдоши, Ньют Гингрич 25 декабрь куни “Fox” телеканалига берган интервьюси чоғида маълум қилди.
Амалдаги давлат етакчисининг сўнгги фармонларини Гингрич «умидсизлик руҳидаги жиннилик» деб таърифлади ва уларни «дами чиқарилган қўғирчоқ»қа қиёслади. Унинг сўзларига кўра, Трамп «ақлли ҳуқуқшунослар» ёрдамида Обаманинг кўриб чиқилиши керак бўлмаган фармойишларини ҳам бекор қилади.
У, шунингдек, Трамп Сенатдаги тарафдорлари сонини кўпайтириш учун Демократик партия вакиллари билан алоқаларни йўлга қўйишга уриниб кўришини айтди.
Трамп президент лавозимига 2017 йилнинг 20 январида расман киришади.