Ироқда 2016 йил давомида рўй берган турли қўпорувчилик ҳаракатлари, тўқнашувлар ва зўравонлик оқибатида 7 мингга яқин фуқаро ҳалок бўлди. Бу ҳақда БМТнинг Ироққа кўмак бериш бўйича миссияси баёнот берди.
"Миссия 2016 йилда умумий ҳисобда 19 266 нафар фуқаро ҳалок бўлгани ва жароҳат олганини рўйхатга олди: 6 878 киши ўлдирилди, 12 388 нафар инсон жароҳат олди", - дейилади душанба куни тақдим этилган хабарда.
Қайд қилинишича, миссия ҳисоботида 2016 йил май, июль, август ва декабрь ойларида Анбар вилоятида кузатилган зўравонлик бўйича рақамлар акс этмаган.