Volkswagen Швецияда энг харидоргир бренд
4.01.2017 02:56,
14
Швецияда енгил автомобиллар сотиш бўйича энг бозори чаққони немис маркаси бўлиб чиқди. Сўнгги 25 йилда Швеция автобозорида етакчиликни қўлдан бермаган Volvo ўз ўрнини Volkswagenга бўшатиб берди. Бу ҳақда Carzone сайти ёзмоқда.
2016 йилда Volkswagen Golf русуми Швецияда энг кўп сотилган автомобиль бўлди. 22084 нусха VW Golf харидорини топган. Volvo (V90/S90/V70/XC70) эса “Фолксваген”дан 763 дона кам машина сотган.
Швецияда ўтган йил давомида ҳаммаси бўлиб 372,3 мингта янги автомобиль сотилган. Бу 2015 йилги савдо кўрсаткичидан 7,9 фоизга ортиқроқдир.