Британиянинг Европа Иттифоқидаги элчиси кутилмаганда истеъфога чиқди
4.01.2017 12:08,
8
Буюк Британиянинг Евроиттифоқдаги элчиси Айвен Рожерс Brexit ҳақидаги расмий музокаралар бошланишига бир неча ой қолган пайтда кутилмаганда истеъфога чиқишга қарор қилди.
Financial Times нашри манбалари маълум қилишича, Рожерс ҳамкасбларига муддатидан олдин истеъфо бераётганини айтган, бироқ ўз қарори сабабларини келтирмаган. У лавозимини муддат расман тугашига бир неча ой қолганида тарк этаётганини айтиб, ўз қарорининг аҳамиятини камайтирган.
Бирлашган Қироллик ҳукумати 31 мартдан кечроқ бўлмаган муддатда ЕИ таркибидан чиқиш бўйича икки йиллик жараённи бошлаши ва Брюссель билан Brexit шартлари бўйича музокараларга киришиши ҳисобга олинганда, дипломатнинг истеъфога кетиши жамоатчиликка кутилмаган ҳолат бўлди.