Тошкент метрополитени Юнусобод йўлининг иккита қўшимча бекати 2019 йилгача қуриб битказилади. Бу ҳақда 4 январь куни Молия вазирлиги сайтида эълон қилинган “Тошкент метрополитени Юнусобод йўли қурилишининг иккинчи босқичи” лойиҳасини амалга ошириш чоралари тўғрисида»ги қарорда белгиланган.
Лойиҳа қиймати 124,8 млн долларни ташкил этади. Юнусобод йўналишини узайтириш ишлари «Ўзбекистон темир йўллари» томонидан амалга оширилади.
Тошкент метрополитенининг Юнусобод йўли 2001 йилнинг 1 сентябрида очилган бўлиб, 6та бекатдан иборат: «Мингўрик», «Юнус Ражабий», «Абдулла Қодирий», «Минор», «Бодомзор», «Шахристан».