Истанбул шаҳри туманларидан бирининг аҳолиси Янги йил кечаси туркманистонлик фуқарони Reina тунги клубида отишма уюштирган террорчи деб ўйлаб, калтаклашди.

Калтакланаётган эркакка раҳми келганлар бир фурсатдан кейингина уни оломон ичидан чиқариб олиб, машинага ўтказишга муваффақ бўлишган. Таажжубланарлиси, эркак ҳеч қандай қаршилик кўрсатмаган.

Калтакланган эркак полиция бўлимига олиб келинган ва у ерда унинг шахси аниқланган. Натижада туркманистонлик фуқаро террорчи эмаслиги аниқланди. Шу билан бирга, текширувлар жараёнида унинг виза муддати ўтиб кетганлиги ошкор бўлиб, у Туркиядан депорт қилинадиган бўлди.