Олимлар инсон танасида янги аъзони аниқлашди

05.01.2017 | Тиббиёт | 3352

Бу аъзо овқат ҳазм қилиш тизимига мансубдир. Қатқорин деб аталаётган аъзо аввал турли ва бир-бирига алоқаси бўлмаган тана ҳосилаларининг таркибий қисми деб ҳисобланган. Бироқ The Lancet Gastroenterology & Hepatology журналида нашр этилган маърузада олимлар қатқорин алоҳида аъзо эканлигини исботлашди.

“Экспертлар баҳоси ва тақризини олган тадқиқотда танамиздаги ҳозиргача тан олинмаган аъзо тўғрисида сўз боради”, дейди Ирландиядаги Лимерик Университети тадқиқотчиси Ж. Келвин Коффи.

Қатқорин – қорин бўшлиғига қопланган қорин пардасининг иккиланган бурмасидир. У ичакни қоринга боғлаб туради.

Қатқориннинг функцияси аниқ бўлмаса-да, уни аъзо сифатида ўрганиш қорин бўшлиғи аъзолари касалликларига унинг таъсири тўғрисида янгиликларни очиши мумкин.

Мавзуга доир янгиликлар