Хитойнинг валюта захиралари камайиб кетмоқда

07.01.2017 | Иқтисод | 1796

Хитой Марказий банки юань курсини барқарорлаштириш учун охирги вақтда хорижий валюта миллий захираларини доимий тарзда қисқартиришига тўғри келмоқда. Бу ҳақда мамлакат давлат валюта бошқармаси маълум қилди.

Хабар қилинишича, декабрь ойида ХХР валюта захираларининг умумий ҳажми ноябрь ойига нисбатан 41 млрд долларга қисқарган. Бунда, агентлик мурожаат қилган экспертлар Хитой валюта захирасининг 51 млрд долларга камайишини тахмин қилишган эди. 

Хитой валюта захиралари охирги ярим йил мобайнида қисқариб бормоқда. Декабрда улар 2011 йил февралидан бери минимал даражагача пасайиб, 3 триллион доллардан бироз ошиқ суммани ташкил этди.