Майами прокуратураси (АҚШ, Флорида штати) Форт-Лордердейл аэропортида уюштирилган ва беш кишининг ўлимига сабаб бўлган отишмада гумон қилинган Эстебан Сантьягога нисбатан айблов эълон қилди.
Сантьягога ўлимга олиб келган зўравонликни содир этиш айблови қўйилган. Associated Press агентлигига кўра, Сантьяго айбдор деб топилган тақдирда ўлим жазосига ҳукм қилиниши ёки умрбод озодликдан маҳрум қилишгача жазо кўзда тутилган.
Террорчи шунингдек 5 кишининг ўлими ва 6 кишининг яраланишида айбланмоқда.
Тахмин қилинишича, жиноятчи 9 январда биринчи баёнот билан чиқади.