Валюта курси: Ўз.Р.Марказий банки
USD
АҚШ доллари
EUR
Eвро
RUB
Россия рубли
Sayt test rejimida ishlayapti!!!

Сўнгги янгиликлар






Ироқ армияси Мўсулнинг шарқий қисмини эгаллади
9.01.2017 17:47,  
19

Мўсул шаҳрида ИШИДга қарши кураш олиб бораётган Ироқ махсус кучлари биринчи марта Дажла дарёсининг шарқий қирғоғигача етиб борди, дея хабар бермоқда Reuters ​агентлиги.

Уч ойдан бери давом этаётган ҳарбий ҳаракатлар самараси ўлароқ, якшанба куни ироқлик аскарлар илк маротаба Мўсулни иккига ажратиб турадиган Дажла дарёсига етиб боришган. Аввалроқ ҳукумат кучлари шаҳарнинг жанубий қисмида назоратни қўлга олгани хабар қилинган эди.

Айни пайтда шаҳарнинг Дажла дарёсидан ғарбда жойлашган қисми тўлалигича ИШИД жангарилари томонидан назорат қилинмоқда. Бағдоддаги иккита бозорда содир бўлган иккита портлаш учун жавобгарликни ИШИД гуруҳи ўз зиммасига олгани хабар қилинмоқда. Портлашлар оқибатида 20 киши ҳалок бўлган.

АҚШ томонидан тайёргарликдан ўтказилган терроризмга қарши кураш бўлинмаси аскарлари шаҳарнинг ғарбий қисмига ҳужум қилишдан аввал шарқий мавзеларни жангарилардан буткул тозалаши маълум қилинган. Айни дамда, Дажла дарёси устига қурилган барча кўприклар ҳаво ҳужумларида тўлиқ вайрон қилинган бўлиб, улардан фойдаланиш имконсиз ҳисобланади.

Генерал-лейтенант Абдулваҳҳоб Саъдийнинг маълум қилишича, якшанба куни терроризмга қарши кураш бўлинмаси аскарлари Мўсул шарқидаги Баладият ва Суккар мавзеларини қўлга киритишган. Тўқнашувларда ўнлаб ишидчилар ҳалок бўлгани хабар қилинган.

2012 йилдан бери ИШИД назоратида бўлган Мўсул шаҳрини озод қилиш учун ҳарбий амалиётлар ўтган йилнинг октябр ойида бошланган эди. ҳарбий ҳаракатларда АҚШ бошчилигидаги халқаро коалиция, Ироқ армияси, шиа ва курд жангариларидан иборат 100 минг аскар қатнашмоқда.

Тавсия этамиз






Тавсия этамиз

Ҳар доим хабардор бўлинг!

carzone.uz мобил иловаларини кўчириб олинг ва барча янгиликлар сиз билан