Ниҳоят iPhone учун Samsung Gear иловаси чиқарилди
10.01.2017 16:23,
5
Маълумки, Samsung Gear ақлли соатлари Samsung Gear App деб номланадиган махсус илова орқали бошқарилади. Бундан бир неча кун олдин ушбу илованинг узоқ кутилган iOS версияси чиқарилди, деб ёзади Terabayt сайти.
Эндиликда ушбу илова ёрдамида iPhone ва iPad фойдаланувчилари ҳам Samsung Gear соатларидан (Gear Fit2, Gear S2, Gear S3) фойдаланишлари мумкин бўлди.
TechCrunch нашрининг маълум қилишича, Samsung ушбу соатларнинг iOS қурилмаларид билан ҳам тўлақонли ишлашига ваъда берган. Бироқ iPhone фойдаланувчиларининг iTunes`да қолдирган шарҳларига эътибор қаратадиган бўлсак, илова баъзи Gear соатлари билан ишламаяпти ва айрим кутилган функциялар ҳам мавжуд эмас (масалан, Samsung Pay).