Кашандалик дунё иқтисодиётига йилига бир триллион доллар зарар келтирмоқда

10.01.2017 | Иқтисод | 946

Чекиш дунё иқтисодиётига йилига бир триллион долларга тушмоқда. Бу ҳақда Жаҳон соғлиқни сақлаш ташкилоти ва АҚШ саратон миллий институти қўшма ҳисоботида маълум қилинди

Бундан ташқари, тадқиқотчиларнинг таъкидлашича, тамаки истеъмоли сабаб юз берувчи ўлим ҳолати 2030 йилга бориб жиддий равишда ортади.

«Тамаки сабаб юз берадиган ўлим ҳолатлари 2030 йилга бориб ҳар йил 6 миллион кишидан 8 миллионга етади. Шу билан бир қаторда, бундай ҳолатларнинг 80 фоиздан ортиқроғи ўрта ва паст даромадга эга мамлакатларда қайд этилади», - дейилади ҳисоботда.

Тадқиқотчиларга кўра, одамлар орасида кашандалар улуши камайганига қарамай, дунё кўламида тамаки истеъмолчилари сони ошиб бормоқда.