Афғонистон пойтахтида портлаган иккита бомба камида 30 инсонни ҳаётдан олиб кетди. Ярадорлар сони 80 нафарга етиши мумкин. Бу ҳақда bbc.com ёзмоқда.
Бомбалар кечки пайт, одамлар ишдан қайтаётган гавжум вақтда портлаган.
Гувоҳларга айтишича, аввал автомашина портлатилган, сўнг одамлар йиғилган жойга пиёда келган худкуш ҳужумчи ўзини портлатиб юборган.
Портлашдан кўп вақт ўтмасдан Толибон жавобгарликни ўз бўйнига олди ва мамлакат хавфсизлик ходимларини нишонга олганини билдирди. Бироқ қурбонларнинг кўпчилиги тинч фуқаролар бўлиб, ораларида парламентда ишлайдиган ходимлар ҳам бор.