Валюта курси: Ўз.Р.Марказий банки
USD
АҚШ доллари
EUR
Eвро
RUB
Россия рубли
Sayt test rejimida ishlayapti!!!

Сўнгги янгиликлар






Евро пул бирлиги 10 йил ичида йўқ бўлиб кетиши мумкин
12.01.2017 19:35,  
186

Франция президентлигига номзодлардан бири Европа Иттифоқи учун умумий валюта саналган евронинг муомаладан чиқиб кетиши мумкинлигидан огоҳлантирди. Бу ҳақида Guardian нашри хабар бермоқда.

Собиқ иқтисодиёт вазири Эммануэл Макрон шу йилнинг май ойида Францияда бўлиб ўтадиган президентлик сайловида мустақил номзод сифатида иштирок этиши кутилмоқда. У амалдаги президент Франсуа Олланд ҳукуматида ишлаган, сўнгра истеъфога чиқиб, янги сиёсий ҳаракатга асос солган эди.

Берлиндаги Ҳумболдт университетида сўзга чиққан Эммануэл Макрон Евроиттифоқнинг валюта сиёсатини танқид қилган. Унинг фикрича, Франция ва Гемрания биргаликда ягона валютага асосланган иттифоқни кучайтиришни эплай олмаса, ўн йилдан кейин евро пул бирлиги сифатида тарихда қолиши мумкин.

Эммануэл Макроннинг фикрича, Евроиттифоқнинг ҳозирги валюта тизими кучсиз мамлакатларнинг зарарига, Германиянинг эса фойдасига ишламоқда. «Ҳақиқат шуки, евро мукаммал эмаслиги муҳим ислоҳотларсиз мавжудлигини давом эттира олмаслигини барчамиз тан олишимиз керак. У Европани долларга қарши тўлиқ мустақиллик билан таъминлай олмади», – деб айтган франциялик сиёсатчи.

Еврони сақаб қолиш ва иқтисодий ўсишга эришиш учун Франция бозор ва таълим тизимида ислоҳотлар амалга ошириши зарур бўлади. Германия эса кўпроқ инвестицияларни жалб этиш евроҳудудда иқтисодий ўсишни тезлаштиришини тан олиши керак. «Шуни айтишга мажбурман: евронинг қадрсизланиши Германия учун яхши. Евро немис маркасининг кучсиз бир кўриниши, холос».

Сўнгги сўровномалар 39 ёшли Эммануэл Макроннинг президентликка сайланиш учун имкониятлари ортаётганини кўрсатган. Ўтган ҳафтада президентликка номзодлардан Франсуа Филлоннинг кўрсаткичларида пасайиш кузатилган бўлса, исломофоблиги ва муҳожирларга қарши қарашлари билан танилган Марин Ле Пеннинг рейтинги кўтарила бошлаган.

Тавсия этамиз






Тавсия этамиз

Ҳар доим хабардор бўлинг!

carzone.uz мобил иловаларини кўчириб олинг ва барча янгиликлар сиз билан