Барак Обаманинг хайрлашув твити энг оммавий твити бўлди
13.01.2017 11:40,
6
Барак Обама Twitter’даги АҚШ президентининг саҳифасида қолдирган сўнгги твит @POTUS аккаунти мавжуд бўлган давр ичидаги энг оммабопи бўлди. Хайрлашув твити давлат раҳбари томонидан микроблогда чоп этилган қайдлар орасида энг кўп лайк ва репост йиғди.
"Ҳаммаси учун раҳмат. Менинг охирги илтимосим биринчиси кабидир. Мен сизлардан менинг ўзгаришларни яратишга қодирлигимга эмас, балки ўзингизнинг қодирлигингизга ишонишингизни сўрайман", деб ёзган Обама сўнгги хабарида.
Барак Обама Twitter’даги шахсий аккаунтини POTUS (President of the United States) ники остида 2015 йил майида очди. 2017 йил январь ҳолатига кўра, давлат раҳбарини 13,3 миллион киши ўқиб боради.